*******
राहू देत मजसवे तुझ्या आठवणी काही १
मागायला हात नाही बोलायला शब्द नाही
येते तुझी आठवण बघ थांबतच नाही २
भेटलीस कधीकाळी किती ऋण जीवनाचे
पुनवेचा देह झाला मन शुभ्र चांदण्याचे ३
ओघळून नभ आले चिंब चिंब रान झाले
जपलेले स्वप्न उरी सत्य खरोखर झाले ४
जरी केला वायदा मी पुढील त्या जन्मातला
वृथा जरी समजुत शब्द होता मनातला ५
वाहतीच जिंदगानी सवे कुणा वाचूनही
खळखळ होते तरी स्थिरावता प्रवाह ही ६
सुख थोडे दुःख थोडे काळजात भरलेले
जीवनाचे रंग बहु दत्त राये दाखवले ७
मिटताच मन रात्री जग जरी मिटू जाते
स्वप्न अन सुषुप्तिही स्मरणाचे गाणे होते ८
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘
कोणत्याही टिप्पण्‍या नाहीत:
टिप्पणी पोस्ट करा