प्रेम निरवधि
**********
सुखात दुःखात आठवतो दत्त
सदा असे हस्त
डोईवरी ॥१
घडे पापपुण्य
काही जे हातून
तयाला सांगून
टाकतसे ॥२
घेई बा सांगतो
तया सांभाळून
लेकरू अजाण
महामूर्ख ॥३
कधी ना कळते
कधी न वळते
मन उंडारते
जगत्रयी॥४
परी देवराय
न दे अंतराय
करतो उपाय
सांभाळण्या॥५
किती अपराध
तया न गिनती
अपार ती प्रीती
अबाधित ॥
काय सांगू दत्त
प्रेम निरवधि
भेटला विक्रांती
पूर्वपुण्ये॥७
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘
कोणत्याही टिप्पण्‍या नाहीत:
टिप्पणी पोस्ट करा