****
आता बोलणे हे
सारे व्यर्थ आहे
अर्थशून्य सारे
संवादही आहे ॥
शब्दाचा आशय
शब्दात अडतो
मनातला भाव
मना न कळतो ॥
तिथे कुणी कोणा
काय ते सांगावे
बंद दारावरी
डोकेची फोडावे ॥
निरर्थ सतार
तुटताच तार
कोसळते झाड
फुटताच पार ॥
सांभाळणे सारे
कुण्या हाती आहे
त्याहुनी बरे की
उगा उगा राहे ॥
विक्रांता मौनची
आता पांघरावे
शिवशिवे जीभ
ओठ बांधू घ्यावे ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘
कोणत्याही टिप्पण्या नाहीत:
टिप्पणी पोस्ट करा