मुळावर
*******
कळेना कोण असे
कुणाच्या मुळावर ?
ज्याचा त्याचा डोळा
फुकटच्या फळावर !
कोण ती छापती
सर्टिफिकेट खोटी
आणिक वाटती
भीतीविन जगाती १
कोणास पाकीटे
किती ते आवडते
मरू दे जगा म्हणती
माझे काय अडते २
कोण भय दावून
माल तो ढापतो
आरटीआय शस्त्र
सदा कदा उगारतो ३
पाोटासाठी पाप
करावे ते म्हणती
नरकाच्या दारात
स्व पदेची जाती ४
अश्या या जगाला
विक्रांत विटला
पापी डोळा वाहून
दत्ता रे थकला ५
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘
कोणत्याही टिप्पण्‍या नाहीत:
टिप्पणी पोस्ट करा