घेई सांभाळून
***********
आम्हावर रुसे
आम्हा नच पुसे
मग सांग काय कसे
करू दत्ता ॥१
जाहलो चाकर
पडे पायावर
भार तुझ्यावर
टाकला मी॥२
काय भक्तीविन
झाले हे जीवन
सरे कृपे विन
मग असे ॥३
काय अवघे ते
असे देवा खोटे
नाटक वाटते
भक्तीचे रे ॥४
पोपट प्रेमाने
वेश्या स्वर्गी गेली
मुक्ती अजामेळी
पुत्र मोहे ॥५
काय मी त्याहून
असे हीन दीन
तुज दयाघान
अंतरलो॥६
विक्रांत येवुनि
करी विनवनी
घेई सांभाळुनि
चुक माझी ॥७
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘.
कोणत्याही टिप्पण्या नाहीत:
टिप्पणी पोस्ट करा