वेणू (उपक्रमास)
*****
स्वप्न साद घालते
कणकण थरारून
वेणू आत झंकारते
उतरून उन्हं गेली
सांज दारी वाजू आली
कुठे कशी जाऊ आता
चूल माझी पेटलेली
भलत्याच अशावेळी
सय कोण काढते का ?
रीतभात विसरून
साद कोण घालते का ?
हरवले भान पुन्हा
प्राण माझे व्याकुळले
नको नको जिवलगा
तुला सारे ना रे कळे
किती जन्म गेले तरी
डोळियात तुझा ध्यास
सांभाळून बावरीला
घेई आता ह्रदयास
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘.
कोणत्याही टिप्पण्या नाहीत:
टिप्पणी पोस्ट करा