दत्तावाचून

दत्तावाचून

********

दत्तावाचून जीवन 

ते रे कसले जीवन ॥

दत्तावाचून जीवन 

आड पाणियावाचून 

काय अर्थ त्या खणून

श्रम फुकट जावून॥

दत्ता वाचून जीवन 

वृक्ष फळल्या वाचून 

येणे कशाला रुजून 

भार भूमीचा होऊन ॥

दत्ता वाचून जीवन 

पाणी सागर भरून 

तृष्णा कंठात घेऊन 

जळी जिणे थेंबाविन ॥

दत्ता वाचून जीवन 

बरे त्याहून मरण 

देहा कशाला वाहून

जावे सजीव होऊन ॥

दत्ता वाचून जीवन 

जाते व्यर्थ रे संपूर्ण 

जगा सोडून विक्रांत

जातो दत्ताला शरण ॥

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com 

☘☘☘☘☘☘२४७