गुरुवार, १३ जून, २०१९

भरदुपारी




भरदुपारी
*************


भरदुपारी त्या उन्हात
आलीस तू सावली होत
सुखावले तनमन माझे 
झाली सुमनांची बरसात 

तापलेल्या तव गालावर
होते कमलदळांचे सरोवर 
घनगर्द कुटिल आभाळ
उतरलेले अन भालावर 

शब्द आले तव वाऱ्यावर 
होत एक शीतल लहर 
वीज नजरेतील तुझ्या
गेली माझ्या आरपार

अशी येत जा तू कधी 
सखी होत माझी दुपार 
वाळवंटी माणसांच्या या 
देत मजला हिरवा आधार 


© डॉ..विक्रांत प्रभाकर तिकोणे

कोणत्याही टिप्पण्‍या नाहीत:

टिप्पणी पोस्ट करा

लोभ

लोभ ****** फुटली उकळी  गाणे आले गळा  प्रेमे उजळला  गाभारा हा ॥ १ शब्द सुमनांनी  भरले ताटवे भ्रमराचे थवे  भावरूपी ॥ २ पसरला धूप  ...