बुधवार, १९ जून, २०१९

देई रे कोपरा



देई रे कोपरा
**********
प्रत्येक पायरी 
असे प्रभू दत्त 
शिखर न अंत 
चालण्याचा ॥
प्रत्येक श्वासात 
कृपेचा प्रपात 
तुझिया ऋणात 
जगतो मी ॥
असा घडो यज्ञ 
प्रभू जगण्याचा 
घडो सर्वस्वाचा 
स्वाहाकार ॥
सरू दे संकट 
सरत्या क्षणांचे 
रित्या या काळाचे 
तेच पुन्हा ॥
देई रे कोपरा 
तुझ्या कपाटात 
मज स्वरूपात
ठेवी दत्ता ॥
शोधतो विक्रांत 
कडी कपारीत 
यावे अवचित 
दिगंबरा ॥
 डॉ.विक्रांत प्रभाकर तिकोणे
००००००

कोणत्याही टिप्पण्‍या नाहीत:

टिप्पणी पोस्ट करा

श्रीपाद सखी

श्रीपाद सखी *********** स्वप्न हरखले डोळीया मधले  स्वप्नास लंघुनी स्वप्न हे उरले ॥१ नभात लक्ष दीप उजळले  अन चांदण्याचे तोरण जाहल...