सोमवार, ३ जून, २०१९

द्वैताची पेरणी





द्वैतची पेरणी

****:
येतात विचार
जातात विचार
घेऊन आकार
जगताचा 

नाती गोती सारी
रंगवी रंगारी
अस्तित्व कुसरी
येवुनिया 

आत बाहेरील
जग ना वेगळे
असे एक सरे
क्षण रूप 

पदार्थ वाऱ्याचा
गोळा वा पाण्याचा
हाती का यायचा
कधी कोणा 

पाहता पाहता
बुडालो शून्यात
कुणी ना कुणात
राहियेले 

विक्रांत पाहता
डोळियांचा डोळा
आतलिया खेळा
ओसाडलो॥

दत्ताचिया वाणी
उतरली मनी
द्वैतची पेरणी
करपली ॥


© डॉ..विक्रांत प्रभाकर तिकोणे


*****


कोणत्याही टिप्पण्‍या नाहीत:

टिप्पणी पोस्ट करा

पुत्रशोक

पुत्रशोक  ( डॉ. हरेश मंगलानी सरांच्या मुलाच्या, डॉ. रौनकच्या आकस्मक निधनाने उमटलेली  व्यथा) ******* मुलाचे पार्थिव खांद्यावर वाह...