नशा

नशा
(word no tobacco day)

क्षणी सुखद वाटते
अंती दुःखद ती होते
नशा जीवन ओढून
मृत्यू पंथाशीच नेते

विडी तंबाखू गुटखा
यांचा लागता चटका
जीव वेडापिसा होतो
धरी टपरीचा रस्ता

धन जळते धुरात
धन पडते थुंकीत
करी बधिर मेंदूला
येतो अर्धांग देहात

नसा होतात कडक
वाढे रक्तचाप खूप
अंती झटका हृदयी
होय सुखाची ती धूप

मग चकरा दव्याला
चाट पडदा खिशाला
रोग कॅन्सरसारखे
होती कारण घाताला

माझे आइका मित्रांनो
दूर फेका हे लोढण
मनोनिग्रह करून
आणा सुख समाधान

फार नसे रे कठीण
पाहा जागृत होऊन
जीव दुर्दैवी भोवती
नशा केलेले पाहून

मित्र डॉक्टर विक्रांत
तुम्हा मागतो मागणं
विडी काडीची ही बेडी
दूर द्या रे ती फेकून

डॉ.विक्रांत प्रभाकर तिकोणे
http://kavitesathikavita.blogspot.in