निमित्त

निमित्त

******
तसे तर सारेच
जाणार आहोत आपण
पण जायला निमित्त लागते
अवचित कधी येणाऱ्या
आजारपणाचे
तापाचे टीबीचे मेंदू ज्वराचे
अर्धांगवायू वा हृदयविकाराचे
कधी कुणालाही नकोशा वाटणाऱ्या
कर्करोगाचे वा अपघाताचे
ही सारी निमित्त
का असावीत
जगातून जायला
यांचे उत्तर मजकडे तर नाहीच
पण कधीच नाही कोणाकडेही
कुठल्याही निमित्ता वाचून
कुठल्याही जबरदस्ती वाचून
जाता येईल का मला
या जीवनातून
हळुवार निसटून ?
माझी जाण्याची इच्छा
हीच एक निमित्त होऊन
एक संतृप्त जीवन जगून

डॉ.विक्रांत प्रभाकर तिकोणे
http://kavitesathikavita.blogspot.in
००००००