बुद्ध
****
पेरला या मातीत पुन्हा
रुजवित्या मातीस
पण कळेल बुद्ध केंव्हा .
सर्व धर्म जात पंथाचा
बुद्ध असे विलय .
प्रज्ञेच्या पलीकडील
शून्याचा तो प्रत्यय
बुद्ध धर्म ना संप्रदाय
बुद्ध गट ना समुदाय
शब्द बदलून कुणा कधी
बुद्ध असा कळेल काय
जाणण्यास बुद्ध व्हावा
शील करुणा उदय
जाणण्यास बुद्ध व्हावा
प्रज्ञेचा अनुयय
बुद्ध युद्ध नव्हे रे
तुझ्या माझ्या मताचे
बुद्ध वाद नव्हे रे
तुझ्या माझ्या गटाचे
बुद्ध जीवन तत्त्वज्ञान
असे प्रत्यक्ष जगण्याचे
बुद्ध आत्म संशोधन
विश्वाच्या कल्याणाचे .
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️ .
