निवडूंग
******
स्वार्थाच्या पायरीवर जेव्हा उभी राहतात माणसं
आणि मिळालेल्या क्षणाचं
रूपांतर करू पाहतात
फक्त फायद्यात स्वार्थात
लोटून देत सारे आधार
त्याला टिकवणारे
पडता पडता वाचवणारे
धीर देणारे मैत्रीचे प्रेमाचे
तेव्हा त्यांनाही पडावेच लागते
जावेच लागते प्रवाहपतीत होत
त्याच उतारावरून
आज नाहीतर उद्या घरंगळत
खरंतरं काही क्षण काही काळ
हा नसतो योग्य वैरास तरीही
काही साथ काही हात
नसतात उरणार सोबत तरीही
त्यांना ते कळत नसतं
मग मैत्रीच्या वेलांचे निवडूंग होतात
जोवर त्या निवडुंगाचे फडे
कुंपणावरअसतात तोवर ठीक असते
पण जेव्हा ते बांधावरील रोपांना
आक्रसु लागतात बिनदिक्कतपणे
पिसरून आपले काटे
तेव्हा त्यांचे निवडुंगपण स्मरून
त्यांना दूर ठेवणे भाग असते
त्यांना ते कळो न कळो
तुमच्यासाठी ते महत्त्वाचे असते
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️ .
कोणत्याही टिप्पण्‍या नाहीत:
टिप्पणी पोस्ट करा