आत्मविचार
(रमण महर्षी आधारित)
*********
एकच विचार करा हा विचार
आत्मविचार शुद्ध बुद्ध ॥१
एकच विचार करावा साचार
बाकींना नकार द्यावा नित्य ॥२
"कोण मी" असून? आलोय कुठून ?
पहावे शोधून नित्य मनी ॥३
वृत्तीचा उदय येताच घडून
राहावे जडून मुळापाशी ॥४
शून्याच्या विहिरी जावे तहानले
लोटावे आपले अस्तित्वही ॥५
त्या विना नाही दूजी सोय काही
तहानला होई तृप्त तेवी ॥६
होऊन निवांत राहवे बसून
आपले पाहून आत्म् तत्त्व ॥७
जयास कळले आतले पाहणे
तयाचे जगणे सार्थ काही ॥८
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️ .
कोणत्याही टिप्पण्या नाहीत:
टिप्पणी पोस्ट करा