उंबरा
*****
क्रमप्राप्त आहे आता उंबरे तुटणे सहाजिकच झाले आहे
आता घराला उंबरे नसणे ही
लिव्ह इन रिलेशन चा जमाना जात आहे
लिव्ह इन रिलेशन बेंचिंग मागे पडत आहे
लिविंग अपार्ट टुगेदर चा जमाना येत आहे
काळाची ही गरज आहे का ?
स्वार्था ची परिसीमा आहे का ?
स्वैराचाराच उत्कर्ष आहे का हा?
कळत नाही पण
सारेच विवादाचे विषय आहेत
स्त्री पुरुषाला एकमेकांची गरज असणे
आणि एकमेकांवरती वर्चस्व ही नसणे
एकमेकांपासून मिळणारे सुख हवे असणे
पण त्या सोबत राहण्यामुळे
येणाऱ्या जबाबदाऱ्या नको असणे
अशा विचित्र मानसिक अवस्थेमध्ये
ही पिढी जात आहे.
आणि आमची पिढी अजूनही
उंबऱ्याच्या आठवणी उगाळत आहे.
कदाचित एखाद अर्धी पिढी अजून
पण त्या नंतर.?
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘ 🕉️ .
कोणत्याही टिप्पण्‍या नाहीत:
टिप्पणी पोस्ट करा