पाणी नीती
*********
पाण्याविन डोळे ओले
बिल भरा टैक्स भरा
आणि करा हात ओले
काय पाणी हक्क आहे ?
अहो तुम्ही पक्के भोळे
फेकताच पैसे थोडे
धावतील लोभी सारे
हाच डाव सदोदित
खेळतात दुष्ट बळे
हतबल होत तुम्ही
शरण ते हवे गेले
तोच व्युह तोच तह
पराभुत अडलेले
कमावून राजा माल
सेनापती झोपलेले
चरफ़ड उगा मनी
जन अन गांजलेले
साम दाम भेद दंड
मार्ग आहे ठरलेले .
धुरिणांना काय सांगू
तुम्ही जग जाणलेले
शब्द तरी लिहतो मी
तुम्ही मनी आणलेले
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘ . .
