पाहीन मी वाट
*********:
पुनवेचे गाणे दत्ता
ओठातून येत नाही
रुसलेल्या भेटण्याचे
गीत काही होत नाही
मजला हे कळो आले
खुपच मी जन्म दूर
जरी नाही लायकी रे
असे तव पथावर
बरं तर असो तेही
जन्मात या कळलास
अंधारल्या जगतात
दीप हाेत दिसलास
तुझी कृपा होण्याची ती
पाहीन मी वाट बरे
भले बुरे बोल माझे
तोंवरी साहून घे रे
विक्रांताचे शब्द आता
बघ सरू सरू आले
मौन आता वाटचाल
दिन मोहराचे गेले
© डॉ.विक्रांत प्रभाकर तिकोणे
http://kavitesathikavita.blogspot.in
***
