बरे केलेत

बरे केलेत

**********

घातल्या गोळ्या त्यांना

बरे केलेत

खरे खोटे होते का ते

नाही विचारत

काही लोक कधीही

नाहीच सुधारत

भय हवे पापीयांना

नव्हतेच ते घडत

-

मानवी हक्क म्हणूनी

ओरडेल कुणी

न्यायाच्या बजावणीस

होत आग्रही  कुणी

पण तोवरच की

त्यांचे तिथे नसतील कुणी

-

लेक बहिण आई

जेव्हा जळते मरुनी

यातनेत पशुच्या

जाते तडफ़डूनी

गोष्टी  न्यायाच्या मग

जातात रे गळूनी

-

म्हणुनिया म्हणतो मी

बरे केलेत

म्हणेन पुन:पुन्हा जरी

पुन्हा केलेत

-

दिसता समोर

धडधडीत पिशाच

तया काय सिद्ध करावे

लागते ते पिशाच

नष्ट करूनी  तया ती  

थांबवावी पैदास

-

ततक्षणी ततक्षणी ततक्षणी

-

थोर कार्य ते नाही

अरे याहूनी

-

बरे केलेत !

© डॉ.विक्रांत प्रभाकर तिकोणे
http://kavitesathikavita.blogspot.com