मच्छिंद्रनाथ

मच्छिंद्रनाथ

***
श्रीमच्छिंद्रनाथ यती 
जरी पुत्र धीवराचा
म्हणे प्रेमे पंथ अंश
कवी नारायणाचा

थोर कुणीही जन्माने
नसतो इथे कधीही
दाविले स्वतेजे त्यांनी
जिंकूनिया देव मही

जनतेच्या सुखासाठी
तपी अनंत कष्टाला
शाबरी ती मंत्र विद्या
दिली आर्त जगताला

नवे मंत्र नवे तंत्र
उभारला नाथ पंथ
तया दिले देवपण
निर्मियले नवे वेद


जाती पाती मोडूनिया
बहुजना गुरू केले
देवतत्त्व हरवून
यत्न सिद्ध मिरविले

असा थोर बंडखोर
कृपा करी जगावर
मातीतून राखेतून
घडविले अवतार
**

© डॉ.विक्रांत प्रभाकर तिकोणे
http://kavitesathikavita.blogspot.in