असणे सकळ
*************
माझा रंग मला
तुझा रंग तुला
आहे का वेगळा
दत्तात्रेया
माझे हरवले
तुज सापडले
तू ना वेचियले
बरे तर
नको वाटाघाटी
नको आटाआटी
पडू दे सोंगटी
खेळाविना
मनाचा पिंपळ
आकांक्षा हिंदोळ
व्यर्थ सळसळ
करी ना का !
तू तर केवळ
असणे सकळ
कुणा कैसे बळ
फुटायाचे
विक्रांत लुटला
शुन्यात बुडाला
मेला की वाचला
कुणा ठाव
© डॉ.विक्रांत प्रभाकर तिकोणे
http://kavitesathikavita.blogspot.in
कोणत्याही टिप्पण्या नाहीत:
टिप्पणी पोस्ट करा