सोमवार, २३ डिसेंबर, २०१९

श्री गहिनीनाथ


खेळता गोरक्ष 
घडली करणी 
उद्भवे गहिनी
मातीमध्ये 

भिवून बालके 
भूत त्या म्हणून 
बसले लपून 
घरामध्ये  

तो करभाजन
मच्छिंद्रे जाणून
 
हृदयी धरुन
प्रेम दिले 

घडवून याग
देव संगतीत 
गहिनी पंथांत 
नाथ केले 

गहनीने थोर 
निवृत्ती तो केला 
ज्ञानेश दिधला 
महाराष्ट्रा 

 नाथपंथाच्या या 
गहिनी फांदीला 
बहर हा आला 
वारकरी 

मराठी देश हा 
ऋणी गृहिनीचा 
जिव्हाळा जीवाचा 
पुरविला 

विक्रांत गहिनी
पदास नमतो 
पायधुळ  घेतो 
माथ्यावरी

 © डॉ.विक्रांत प्रभाकर तिकोणे
https://kavitesathikavita.blogspot.com

कोणत्याही टिप्पण्‍या नाहीत:

टिप्पणी पोस्ट करा

लोभ

लोभ ****** फुटली उकळी  गाणे आले गळा  प्रेमे उजळला  गाभारा हा ॥ १ शब्द सुमनांनी  भरले ताटवे भ्रमराचे थवे  भावरूपी ॥ २ पसरला धूप  ...