नकार

माझी सारी

जिंदगानी

नकाराचे

गाणे गाई 

तूझ्या एका

नकाराने

फार फरक

पडत नाही 

घाव पण

घाव असतो 

वेदना तर

मिटत नाही 

दे जराशी

सहानुभूती

स्वप्न अजून

सुटत नाही

विक्रांत प्रभाकर

http://kavitesathikavita.blogspot.in/

ते फळ तू दिलेले

ते फळ तू दिलेले

मधुर लाल रसिले

माझ्या ओठावर

तरंगत राहिले

पण ते तुझे अर्धे

असतेस तू दिले

तर अधिक मधुर

असते लागले

हे ही भाग्य पण

कमी नसे माझे

काही मिळे मज

तुझिया हातचे

विक्रांत प्रभाकर

http://kavitesathikavita.blogspot.in/

एका तुझ्या हाय करण्यानं

एका तुझ्या हाय करण्यानं

जीव किती सुखावतो

हृदयाच्या अवकाशात

पारव्यागत घुमत राहतो

तुला उगा वाटतं कि मी

आता आताच इथं आलो

जाता जाता तुला कुठतरी

सहज रस्त्यात भेटलो

पण तुला कसे कळावं मी     

किती प्रहर इथं थांबलो   

तुझ्या दोन शब्दासाठीच

रान जीवाचं करून आलो

तू पुढे गेल्यावरही माझे

पाय तिथून उचलत नाही

त्या हाय ला बाय करणे

खरच मला जमत नाही

विक्रांत प्रभाकर

http://kavitesathikavita.blogspot.in/