कवितेसाठी कविता: निर्मळ मन

शुक्रवार, ३ फेब्रुवारी, २०२३

*********

धरून हातात संताचा तो हात

नाम गंगा काठ पहावा रे

घ्यावी ओंजळीत सांगती ते नाम

तेणे तुझे काम होईल रे

ओंजळी ओंजळ लाग ते गोडी

मग घेई उडी तया माजी

शिरता प्रवाही नुरेल हा देह

नामाचेच गेह होईल रे

जातील वासना अवघ्या कामना

भाग्याचा देखाणा मुर्त होसी

निर्मळ मनात येतो भगवंत

सांगतात संत आवर्जून

विक्रांत धरी ते शब्द हृदयात

नाम ओंजळीत सुख वाटे

🌾🌾🌾