कवितेसाठी कविता: स्वामींच्या गोष्टी

रविवार, १२ फेब्रुवारी, २०२३

************

स्वामींच्या त्या गोष्टी ऐकता ऐकता

मन तिथे रमता नाही होय ॥१

स्वामींची ती कृपा प्रेमाचे लाघव

सुखाचा आरव करी मनी ॥२

पाहिल्या वाचून घडते दर्शन

शब्दात सजून आलेले ते ॥३

स्वामींचे बोलणे स्वामींचे वागणे

घडे चितारणे आपोआप ॥४

कळल्या वाचून मग ये वाहून

प्रवाह कुठून कृपेचा तो ॥५

ऐसी स्वामीराये घडली जी भेटी

पडे मौन मिठी विक्रांता या ॥६

झाले चिदाकाशी मनाचे उन्मन

सोहम शब्दाविन भाव जागा ॥७

🌾🌾🌾