दत्त कारभार
******
कृपाळ उदार दत्त कारभार
मोडतो संसार भाविकांचे ॥
स्नेहळ प्रेमळ दत्त प्रतिपाळ
फोडतो कपाळ लाडक्यांचे ॥
सुहृद करुण येतो संगतीन
देतसे सोडून जंगलात ॥
सांभाळी तपात तोडतसे पाश
करतो निराश जगतात ॥
कोमल विमल भक्त परिमल
उडवी चिखल समाजात ॥
दत्त नादी लागे जग त्याचे भंगे
तरी तेच मागे विक्रांत हा ॥
🌾🌾🌾
© डॉ.विक्रांत प्रभाकर तिकोणे https://kavitesathikavita.blogspot.com ☘☘☘☘☘☘
कोणत्याही टिप्पण्या नाहीत:
टिप्पणी पोस्ट करा