कवितेसाठी कविता: संताघरी

मंगळवार, ७ फेब्रुवारी, २०२३

संता घरी

********

संता घरी धन नामाचे निधान

घ्या रे घ्या मागून लाजू नका ॥१

संत वाटतात प्रेम श्रीहरीचे

किती मागायचे मागा तुम्ही ॥२

हाका मारती ते देण्यास बैसले

धावा रे धावा रे धावा तिथे ॥३

सोन्याची दगडे हिरा काचखडे

मातीचे तुकडे मागू नका ॥४

कीर्तीची क्षणिक फुले सुकणारी

यश ही भाकरी दुसऱ्याची ॥५

असे व्यर्थ धन उगाच मागून

बघा रे नुकसान करू नका ॥६

विक्रांता दावली चैतन्यांनी वाट

आता माझा थाट पुसू नका ॥७

🌾🌾🌾

कवितेसाठी कविता