कळल्या वाचून
************
जगन्नाथ कळेल का
जाणल्या वाचून प्रीती
भक्ती ही उमजेल का ॥
हवेपणाला लांघुन
जेव्हा देणे घडते रे
प्रेम जन्म घेते उरी
भक्ती ती फळते रे ॥
प्रेम ज्याला मिळते तो
जगी भाग्यवान जरी
प्रेम ज्यास कळते तो
भाग्य स्वयं खरोखरी ॥
प्रेम जगास अर्पुनी
असा प्रेममय होतो
तो देवाच्या शेजारी रे
सहजी जातो बसतो ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘ .
कोणत्याही टिप्पण्या नाहीत:
टिप्पणी पोस्ट करा