देह वाहतो
********
क्षणक्षण खातो काळ त्याचा ॥१
तया निरुपाय असे जगण्याचा
पिंड पोसायचा जन्मभर ॥२
जाती हत्ती घोडे रथी महारथी
नवे उपजती लढावया ॥३
जन्म आपोआप झाला असे वाटे
मरणही दाटे तैसेच ते ॥४
उदर भरण कुटुंबं पोषण
यातच जीवन सरू जाते ॥५
विक्रांत हताश रिक्तता पाहत
मनाच्या राज्यात निजू जातो ॥६
कोणा आळवावे सोडवा म्हणावे
गुमान मरावे किंवा येथे ॥७
जरी सोडवता म्हणतो मी दत्ता
कळपाच्या वाटा तरी चाले ॥८
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘ ..
कोणत्याही टिप्पण्‍या नाहीत:
टिप्पणी पोस्ट करा