वाणतो
******
सोडून हात हा तू आता कुणाची
सोडुन साथ ही
तू आता स्वतःची ॥१॥
नव्हती कधीच
गाठ बांधलेली
चालता प्राक्तनी
गाठ पडलेली ॥२॥
कुणाचे असे हे
काही देणे घेणे
तयालागी इथे
असे हे भेटणे ॥३॥
घडे भेटणेही
घडे सुटणेही
उमलता कळी
घडे पडणेही ॥४॥
परी जाहले हे
गंधित जगणे
वाणतो क्षणास
त्या कृतज्ञतेने ॥५॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘ ..
कोणत्याही टिप्पण्या नाहीत:
टिप्पणी पोस्ट करा