रिक्त
*****
आता सरत आहे
हा भाव कोंडमारा
आता विझत आहे
तुझे चित्र मनातून
आता हरवत आहे
काळाच्या धुक्यामध्ये
जन्म विरत आहे
काय कसे सुरू झाले
मन आठवत आहे
स्मृतितून आयुष्य ही
आता पुसत आहे
जोडलेला हरेक बंध
सहज सुटत आहे
एकल प्रयाणा प्राण
आतुर होत आहे
ऐकून खुळी गाणी
मनी दत्त हसत आहे
फेकून झोळी कुठे
मी ही रिक्त होत आहे
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘ ..
कोणत्याही टिप्पण्या नाहीत:
टिप्पणी पोस्ट करा