खुणा प्रत्ययाच्या
*************
काय तुज मागुखुणा प्रत्ययाच्या
जर लायकीच्या
गोष्टी नाही ॥१
तरी दत्ता आता
कर ऐसे काही
मज जाऊ देई
माझ्या वाटे ॥२
घेईन भोगीन
सुख ठरलेले
डोळे मिटलेले
ठेवीन मी॥३
ताकदी वाचून
केले मी सायास
तुज जाणण्यास
धावलो मी ॥४
दोष ना तुजला
किंवा नशिबाला
जगू दे झाडाला
रुजे तिथे ॥५
विक्रांत पाहत
चालला जीवन
संपू दे संपेन
जेव्हा तेव्हा॥६
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘
कोणत्याही टिप्पण्या नाहीत:
टिप्पणी पोस्ट करा