तुझे आकाश
*****
भरून गेले मेघांनी
अन पानापानातून
आली ओघळून गाणी
मी माझा नुरलो तेव्हा
गेलो पाऊस होऊनी
कुठे कशासाठी झरे
काही कळल्यावाचूनी
तुझे बोलावणे येणे
अन मी पाऊस होणे
त्या क्षणाच्या प्रतिक्षेत
थांबले होते जगणे
पुढची कथा मातीची
झऱ्याची अन् नदीची
अनंत जलराशीची
वाहणाऱ्या जिंदगीची
कणोकणी नाव परी
होते तुझेच गोंदले
उरामध्ये रूप तुझे
कुणा नच आकळले
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘
कोणत्याही टिप्पण्या नाहीत:
टिप्पणी पोस्ट करा