तुझे घर
******::
तुजला ती भेटत नाही
किती केला त्याग तरीही
पोच तुज का मिळत नाही .
होय तुझे ते कर्तव्य असे
म्हणून का तू गुलाम असते
करते करते करते म्हणून
जगाच्या अंगवळणी पडते
तुझ्याविना घरास या गं
घरपण ते मुळीच नसते
तरी का घरास तुझी या
किंमत ती मुळीच नसते
थांब जरा नि बघ ताणून
काय तुझी किम्मत असते
तशी तुटू तू देणार नाहीस
कारण घर हे तुझेच असते
तुझ्या घराचे तुच देवघर
आणि निर्णया तुझी मोहर
तसे असेल तर ते तव घर
अन नसेल तर निर्माण कर
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘३७८
कोणत्याही टिप्पण्या नाहीत:
टिप्पणी पोस्ट करा