*******:***
काय घ्यावी दत्ता
सदैव तू चित्ता
बसलेला ॥१
यावे गिरनारी
वाडीला अथवा
जरी वाटे जीवा
सदोदित ॥२
चैतन्याचे गाणे
फुटे देहातून
येताची धावून
तया स्थळी ॥३
परी देश काले
घडेना ती सेवा
म्हणूनिया दैवा
रुष्टु नये ॥४
जणू सांगे दत्त
शोध रे अंतरी
शोध आतातरी
वळूनिया ॥५
शोधले बाहेरी
तुवा आजवरी
झाले ते बहुरी
आता पुरे ॥
विक्रांत अंतरी
पाहतो दत्ताला
पूजतो पदाला
सुखावून ॥६
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘ .
कोणत्याही टिप्पण्या नाहीत:
टिप्पणी पोस्ट करा