कवितेसाठी कविता: युद्ध

बुधवार, २३ जून, २०२१

🏵🏵

तेही एक युद्ध होते

हेही एक युद्ध आहे

तेव्हा शत्रु दृश्यात होते

आता शत्रु मनात आहे

तेही मानवनिर्मित होते

हे ही मानवनिर्मित आहे

तोच शोक अक्रोश तेव्हा

आताही तोच होत आहे

तेव्हाही जगलेच जीवन

आता ही जगतच आहे

येतील साथी होतील युद्धे

यात जगता नवे काय आहे

जिने सुरू केले हे जीवन

प्रज्ञेस त्या का नको हे जीवन

सृजन विसृजन पुन्हा सृजन

चाले स्मृतीच्या बंध पाशाविन

अनंत जनन अनंत मरण

अनाम अनंत अवघे जीवन

विक्रांत पाहतो कळल्यावाचून

दत्ता काढ रे मजला यातून

🌾🌾🌾

https://kavitesathikavita.blogspot.com

☘☘☘☘☘☘ .