प्रारब्ध गती
*********:
देहाची या प्रीती
प्रारब्धाची गती
चालतो मी ॥
ठेविले दत्ताने
तैसाची राहतो
जीवनी वाहतो
उदास मी ॥
परी लसुणाची
आहे रे ही वाटी
गंध ना सोडती
अजूनही ॥
तैसे काही आहे
उरले विकार
देहाचा आधार
घेऊनिया ॥
रंग काही गंध
येती ओळखीचे
बोल आग्रहाचे
मांडतात ॥
तया सांगतो मी
आता सारी खाती
दिली दत्ता हाती
सोपवून ॥
विक्रांत सुटला
दत्तासी वाहीला
मालकी तयाला
सारी आता ॥
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘ .
कोणत्याही टिप्पण्या नाहीत:
टिप्पणी पोस्ट करा