भित्रे प्रेम

भित्रे प्रेम

*******

पाना फुलात सजले 

प्रेम घाबरेच होते 

पाहिले रे कोणीतरी 

मन कापरेच होते 

हलकेच स्पर्श काही 

कंप सुखाचेच होते 

गालावरी उतरले 

रंग लाजेचेच होते 

धडधड होती काही 

शब्द अर्थहीन होते 

थरथर होती काही 

खुले गुपितच होते 

ठरलेले बहाणे ही 

सारे खोटे खोटे होते 

सुटणार धागे हळू

बघ ठरलेच होते 

येणार तो राग काही

तुज ठाऊकच होते 

पुन्हा विद्ध होण्यास हे

मन तयारच होते

🌾🌾🌾

© डॉ.विक्रांत प्रभाकर तिकोणे 

https://kavitesathikavita.blogspot.com 

☘☘☘☘☘☘