जल वनवासी
**********
आम्ही जल वनवासी
डोळे लावून नळाला
आसुसलो दिन निशी
धन गेले जरी कोटी
परी पाणी नाही ओठी
दारी धोधोधो पाऊस
मनी असूया दाटती
आशा मनात धरून
आलो इया वर्धमानी
हाय परी इथे असे
तिच कोरडी कहाणी
कशी तुटती पाईप
जल जोर कमी होतो
खाज कोणाच्या हाताला
कोण बळे दाता होतो
शेठ म्हणतो मी केले
जेव्हा आला पाणी दिले
आता घाला हेलपाटे
शोधा मुन्सिपाल्टीवाले
होतो तिथे बरे होतो
वेळ म्हणायची आली
बाबा वर्धमानी ऐसी
सारी हौस पुरविली
तसा विक्रांत दुष्काळी
जिल्हा नगर मधला
अर्ध्या बादलीत स्नान
होता करता झालेला
दिन तेच आठवले
चक्र पूर्ण एक झाले
होते प्रारब्ध राहिले
वर्धमानी फेडियले
डॉ.विक्रांत प्रभाकर तिकोणे .
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘
😄😄
कोणत्याही टिप्पण्‍या नाहीत:
टिप्पणी पोस्ट करा