तपशीलात दत्त

तपशीलात दत्त
************
तपशीलात दत्त माझा
कधीच शिरत नाही
तू काय खातो पितोस
असे कधी विचारत नाही 
.
सोवळ्याच्या घरी सोहळ्यात
बसे मखमली कपड्यात
ओवळ्याच्या घरी ओवळ्यात
बसे विटक्या फडक्यात
.
राहतो कुठेही आनंदाने
प्रेमे ऐकतो माझे गाणे
तूप साखर कांदा भाकर
घेतो भोज कौतुकाने
.
हे सारे वरचे पसारे
असतो जाणून पुरतेपणी
त्या काहीच नको असते
श्रद्धा आणि भक्ती वाचूनी
.
असा देव ओळखला
ह्रदयाशी  दृढ धरला
जन्म हरखून विक्रांत
मग दत्ता खेळी रंगला
**

 © डॉ.विक्रांत प्रभाकर तिकोणे
https://kavitesathikavita.blogspot.com