दत्ता तुझ्या दारातल्या
सोवळ्याचा अंत व्हावा
उच्च नीचतेचा भाव
मनामनातील जावा ॥
तीच पूजा तिचा अर्चा
अभिषेकी तोच लोटा
भावनांना भिडणारा
पावत्यांचा गठ्ठा मोठा ॥
चालू दे रे घर त्यांचे
अन्य आहेतच वाटा
तूच तोड साऱ्यां कड्या
पार होऊ दे रे ओटा ॥
कोण शूद्र कोण श्रेष्ठ
स्पर्श कैसा अपवित्र
हिंदू हेच उपादान
राहू दे रे सार्वत्रिक
डॉ.विक्रांत प्रभाकर तिकोणे
कोणत्याही टिप्पण्या नाहीत:
टिप्पणी पोस्ट करा