अंत व्हावा
******
तुझ्या पायांवरी
देहाचा या अंत
व्हावा भगवंत
मागणे हे ॥॥
सरो ही कहाणी
तुझ्या स्मरणात
प्राणांची ही ज्योत
विझूनिया ॥
बहु मोजले मी
श्वास जगतात
तव विरहात
दत्तात्रया ॥
वाहिले रे ओझे
प्रारब्ध कर्माचे
किती वाहायाचे
अजून हे ॥
मालवून टाक
दीप तू स्वहाते
शून्याच्या पहाटे
हलकेच ॥
विनवी विक्रांत
पुरे झाले जीणे
देवा लाजिरवाणे
तुजविन ॥
© डॉ..विक्रांत प्रभाकर तिकोणे
http://kavitesathikavita.blogspot.in
कोणत्याही टिप्पण्या नाहीत:
टिप्पणी पोस्ट करा