शेंडा बुडखा नसली
तुझी माझी ही
कहाणी
वेड्या नशिबा आलेली
जाग अर्ध
झोपेतुनी
कुणी नशेत
कुठल्या
गाठी टाकल्या
बांधुनी
मोळी चालली मुकाट
कुठे जळण होवुनी
तश्या येतात
कविता
शब्द सवयी मागुनी
कुण्या मनात राहती
ऋतू निर्झराची गाणी
अर्थ हरवले सारे
पाणी तळ्यात पडुनी
माळरानी खळग्यात
आले पोपडे उलूनी
चार बांधले कोपरे
चार दशके जगाया
कुणा कळती बाहेर
जरी अंधार एकट्या
भान उतार प्रवाही
त्याला काळवेळ नाही
बीज हुंकारे मनात
उब ओल लागताही
ठसे जागोजागी तेच
तीच उसवली गाणी
जन्म विरतो विटतो
घ्यावा वाटतो रंगुनी
डॉ.विक्रांत
प्रभाकर तिकोने
कोणत्याही टिप्पण्या नाहीत:
टिप्पणी पोस्ट करा