सोमवार, १० एप्रिल, २०१७

दत्ता उतराई कसा होवू


दत्ता उतराई
कसा होवू तुझा
आले काही काजा
जीवन हे ||१||

केल्याविन काही
होत जरी नाही
करणे तू तेही  
झाला माझा ||२||

केली सारी आशा
तुझी जीवनात
भोगात लोभात
लिप्त जरी ||३||

एवढेच पुण्य
असे काही गाठी
झाला तयासाठी
दाता प्रभू ||४||

प्रभू जी भरलो
जीवन पातलो
किरण जाहलो
प्रकाशाचा ||५||

उरले नाटक
विक्रांत ओढतो
दत्ता विचारतो
ठीक ना रे ||६||

डॉ.विक्रांत प्रभाकर तिकोणे 


कोणत्याही टिप्पण्‍या नाहीत:

टिप्पणी पोस्ट करा

बाबा

प्रिय बाबासाहेब  *********** कृतज्ञतेच्या किनाऱ्यावर येवुन  तुम्हाला करतो आहे मी अभिवादन  कुठलाही रंग कुठलाही झेंडा  हातात घेतल्...