निळूल्या ज्योतीचा

निळूल्या ज्योतीचा | निळूला प्रकाश|

भरले आकाश | अंतरीचे ||१ ||

तुवा दिले दान | सरले अज्ञान |

दु:खाचे प्रांगण | आक्रसले ||२ ||

अजुनी तरीही | आहे काही सल |

मनात शेवाळ | द्वेषाचे त्या ||३ ||

आपुलेच परी | किती दुरवरी |

तुटले अंतरी | आप्तजन ||४ ||

तुवा देवपण | देते जन मन |

सहिष्णुतेवीन | दिसे मज  ||५ ||

विक्रांत हा अज्ञ |पायी ठेवी माथा |

दिसो काही वाटा |बंधुत्वाच्या ||६ ||

डॉ.विक्रांत प्रभाकर तिकोणे

http://kavitesathikavita.blogspot.in