माझे प्रेम रावणाचे ..
रावणा पासून दूर
जशी की राहावी सीता
मजला टाळते ती ही
तशीच काहीशी आता
तिचा राम असे नसे
नच मजला ठावुकी
माझी रावण भूमिका
ठरलेली पण नक्की
माझे प्रेम रावणाचे
परंतु सक्तीवाचूनी
सर्वस्वाच्या होळीसाठी
सदैव सज्ज होवूनी
तिच्यासमोर जीवन
उभे याचक होवूनी
म्हणते दे भिक्षा काही
त्या रेषेच्याच आतुनी
विक्रांत प्रभाकर तिकोणे
कोणत्याही टिप्पण्या नाहीत:
टिप्पणी पोस्ट करा