सोमवार, ८ डिसेंबर, २०१४

गाणे लिहिता






कुणी स्वत:साठी.
कुणी लोकांसाठी
कुणी पोटासाठी
गाणे लिहीतो ||१


परी लिहितांना
आनंद स्फुरणा
जागतसे मना
हेची सत्य ||२


पुढे काही होते
पुस्तक छापते
नावही मिळते
कुण्या एका ||३

कुणी नामवंत
कुणी कोपऱ्यात
कुणी वा रद्दीत
गप्प जातो ||४
इवल्या देशात
इवल्या भाषेत
इवल्या शब्दात
लाख कवी ||५

मिळो जया तया
हवी जी ती माया
मज देवराया
त्या भेटतो  ||६

डॉ. विक्रांत प्रभाकर तिकोणे

कोणत्याही टिप्पण्‍या नाहीत:

टिप्पणी पोस्ट करा

माणूस म्हणून

माणूस म्हणून ****** माझ्या जीवीचे जिव्हार  गेले किती जरी दूर  जीव तुटे तयासाठी  याद येता हूर हूर रक्त माझेच तयात गुणसूत्रांची रा...