तुला मनातून पसून टाकायचा
प्रत्येक प्रयत्न माझा असफल होत आहे
कदाचित तो प्रयत्नच
मला तुझ्या स्मृतीत
अधिकाधिक गुरफटवत आहे .
आणाभाका नाहीत कसल्या
वा नाही देणे घेणे
हातात हात गुंफणे
वा डोळ्यात डोळे मिसळणे
कधी नाही कुजबुज केली
प्रेमपत्र वा कधी लिहिली
तरीही तुला माझ्या मनाची
जाणीव नसेल असे नाही
पण तू असतेस अशी
अलिप्त शांत दुरस्थ
जणू की काही घडलेच नाही
अन मी
सुखद तुझ्या आसक्तीत
कासावीस झालेला
गुदमरून गेलेला
धरतो रोखून श्वास
त्या गुदमरण्यातच
मरण यावे म्हणून
कोणत्याही टिप्पण्‍या नाहीत:
टिप्पणी पोस्ट करा