गुरुवार, २७ एप्रिल, २०२३

भेटत जा


भेटत जा
*******

कधी कधी पाहत जा 
कधीकधी बोलत जा 
कारण काही नको तू 
डोळ्यात उतरत जा ॥

स्वप्न तुझे मागतो ना 
चंद्र हाती ओढतो ना 
फक्त काही किरणे ती 
मनी या उधळत जा ॥

उगाचच हसतेस 
उगाच बहरतेस 
कधीतरी पाकळ्या त्या 
माझ्यासाठी पेरत जा ॥

आकाशात रंग नाही 
मनात तरंग नाही 
अशा गूढ एकांतात 
मजला तू भेटत जा ॥

🌾🌾🌾
© डॉ.विक्रांत प्रभाकर तिकोणे 
https://kavitesathikavita.blogspot.com 
☘☘☘☘☘☘ .


कोणत्याही टिप्पण्‍या नाहीत:

टिप्पणी पोस्ट करा

श्रीपाद सखी

श्रीपाद सखी *********** स्वप्न हरखले डोळीया मधले  स्वप्नास लंघुनी स्वप्न हे उरले ॥१ नभात लक्ष दीप उजळले  अन चांदण्याचे तोरण जाहल...