तुझा ठाव
***,***
कृपेचिये अंगी लागे तुझा ठाव
बाकी धावाधाव
व्यर्थ सारी ॥१
बांधुनिया बळ केला बहु योग
धावूनिया याग
आचारले ॥२
प्रेमाविण नाम कधी ना फळले
वाहूनिया गेले
काम क्रोधी ॥३
जाणुनिया सारे तेच करी सारे
विक्रांत फुका रे
भक्ती करी ४
उरातील भूक करते बेचैन
मग धीरावीन
घडे चोरी ॥५
अगा माय बापा क्षमा आता करा
हृदयाशी धरा
दीनास या ॥६
🌾🌾🌾
© डॉ.विक्रांत प्रभाकर तिकोणे
https://kavitesathikavita.blogspot.com
☘☘☘☘☘☘ .
कोणत्याही टिप्पण्या नाहीत:
टिप्पणी पोस्ट करा